കവിതയുടെ മധുരം നുകരാൻ വീണ്ടും വീണ്ടും വരിക

Friday, 7 April 2017

പാർലമെന്റി മോഹത്തിൽ

അധികാരത്തിൻ മോഹം മൂത്തു 
അഴിമതികാട്ടിയ പേപ്പട്ടികളെ 
താഴിയിറക്കാൻ വോട്ടുകൊടുത്തു 
പാവം പാവം വോട്ടർമാരും 

വോട്ടുകളൊക്കെ പെട്ടിലായി 
ചേട്ടന്മാരും സന്തോഷത്തിൽ 
ഭരണം കൈയ്യിൽ വന്നപ്പോളോ  
ശരണം നിങ്ങൾ തന്നെയെന്നു 

ചൊല്ലിത്തീരും മുമ്പേ ഭരണം 
കൈയ്യിൽ വന്നനേരത്തും 
ഹുങ്കുകൾ കാട്ടിപുംഗവരവരും 
സങ്കടമെല്ലാം ചീറ്റിപ്പോയി 

വാക്കുകൾ കൂരമ്പായി ജനത്തിൽ 

നിത്യം ഭീഷണി പത്തിവിടർത്തി 
ഞങ്ങളു വന്നാൽ ശരിയാക്കാമെ -
ന്നോതികേട്ടൊരു കഴുതജനങ്ങൾ  

കൊള്ളനടത്തിയ വലതന്മാരെ 
തള്ളിമറിച്ചു കൊടുത്തുകസേര 
ഉള്ളൊരു വോട്ടുകൊടുത്തുകയറ്റി 
തള്ളേ,വാക്കുവിഴുങ്ങി മൂപ്പർ 

ഭരണം കിട്ടിയ നേരത്തിവരോ 

പൃഷ്ഠംകാട്ടി ജനത്തിനുനേരെ 
എന്തിനുമേതിനും കേസുമെടുത്ത് 
ചന്തം കൂട്ടിയ മന്ത്രിപ്പുങ്ങവർ  

കേസ്സുകളോരോന്നായി കോടതി -

മുറ്റത്തെത്തും മുമ്പേ തള്ളി 
മടിശീലക്കു കനം നോക്കീട്ടു
വിധിപറയുന്നു കോടതികൾ 

കോടതിയെ നാം വിമർശിച്ചീടിൽ 
കോടതിയലക്ഷ്യം തലക്കുമീതെ
അഴിമതിമുങ്ങിയ ജഡ്ജിക്കാരും 
അതിരുവിടുന്നേ നമ്മുടെനാട്ടിൽ

കോടതിയെന്തു പറഞ്ഞാന്നാലും 
ഓച്ചാനിച്ചതു പാലിക്കേണം
ശംഭോ ശിവ ശിവ എന്തൊരു ലോകം 
കണ്ടുമടുത്തെ ഭാരതലോകം 
ദേവൻ തറപ്പിൽ ....

Post a Comment