കവിതയുടെ മധുരം നുകരാൻ വീണ്ടും വീണ്ടും വരിക

Tuesday, 18 July 2017

ബലികാക്കകള്‍

ബലികാക്കകള്‍
കര്‍ക്കിടകത്തിലും കാക്കച്ചിമാർക്ക്
കിന്നാരം ചൊല്ലാൻ തിടുക്കമായി

കർക്കിടകംവന്ന് പോയൊരുനേരത്തും
കൈകൊട്ടിയാരും വിളിച്ചതില്ല

ബലിയുംബലിപ്പുരേല്‍ വറ്റ് കൊടുക്കാതെ
പോയപ്പോൾബഹളമായ് കാക്കച്ചിമാർ

പുത്തൻകലത്തില് പുത്തരിച്ചോറേറെ
പായസോം നീട്ടി വിളിച്ചതില്ല

കൈകൊട്ടികാക്കയെയാരുംവിളിച്ചില്ല
ആചാരമൊക്കെ മറന്നു പോയോ

കാക്കച്ചിമാർ വന്ന് ക്രാക്രാ വിളിച്ചിട്ടും
ഒറ്റമണിച്ചോറെറിഞ്ഞില്ലാരും

എല്ലാംപിശുക്കാരെന്നോതിയകാക്കച്ചി
നന്നായ് ശപിച്ചു പറന്നകന്നു
ദേവൻ തറപ്പിൽ


Post a Comment