കവിതയുടെ മധുരം നുകരാൻ വീണ്ടും വീണ്ടും വരിക

Sunday, 9 July 2017

ബാല്യകാല സഖി


അപ്പുഴവക്കിലെ കായ്ക്കാനിത്തോപ്പിൽ
ഉൾപ്പുളകത്തോടെ കണ്ടവളെ, 

ചന്ദനക്കുറിയും നെറ്റിയിൽചാർത്തിയ 
ചന്ദ്രിക സഖിയും വന്നുവല്ലോ, 

ചാരത്ത് വന്നവൾ ബാല്യകാലത്തിന്റെ 
കഥകൾ മെല്ലെമൊഴിഞ്ഞുവല്ലൊ  

മാറത്തെതാമര പൊട്ടൊന്നു നോക്കിപ്പോൾ  
ചൂളിപ്പോയല്ലെന്റെ പെൺകിടാവ്, 

ലജ്ജിച്ചു പോയവൾ യൗവ്വനതീഷ്ണയാൽ 
കാൽനഖം കൊണ്ടു കഥപറഞ്ഞു 

സ്വപ്നങ്ങളൊക്കെയും പൂത്തനേരത്തവൾ 
സ്വപ്നാടകെയെപ്പോൽ പുഞ്ചിരിച്ചു

മോഹിച്ചു ഞാനപ്പോൾ വാരിപ്പുണരുവാൻ
മോഹമടക്കിയും ഞാൻ കാത്തിരുന്നു... !
ദേവൻ തറപ്പിൽ 
❤❤❤
Post a Comment